Соғлиқни сақлаш вазирлиги Вирусология илмий-текшириш институтининг юқумли касалликлар шифокори Соҳиба Утегенованинг маълум қилишича, жорий йил 1 майдан биринчи ўринда қуйидагилар эмланади:
- 65 ёшдан катта шахслар;
- тиббиёт ходимлари;
- мактабгача таълим муассасалари ходимлари;
- ўқитувчилар;
- сурункали касаллиги бор шахслари.
Унга кўра, вакцинанинг биринчи дозасини олганлар биринчи навбатда иккинчи доза билан эмланади.
Айни пайтда "ZF-UZ-VAC 2001" ва "Sputnik V" вакцинасини олиш мумкин.
"AstraZeneca" вакцинасининг кейинги партияси июнь ойида олиб келинади. Бу ҳақда ЮНИСЕФнинг Ўзбекистондаги ваколатхонаси раҳбари Мунир Мамедзаде маълум қилган.
“Дастлаб май ойида вакцинанинг қолган қисмини олиб келишни режа қилган эдик. Вакцина Ҳиндистонда ишлаб чиқарилиши ва у ердаги ҳозирги вазиятни инобатга олган ҳолда, етказиб беришда кичик кечикишлар бўлиши ҳақида бизни расман хабардор қилишди. Шунга қарамасдан, биз вакцина июнь ойида етказиб берилишига умид қиламиз”, — деган у.
