Саудия Арабистони ҳукумати давлат ва хусусий компания ходимларини коронавирусга қарши эмланмаган бўлса ишга чиқишини тақиқлаб қўйди.
"Коронавирусга қарши вакцина олиш давлат ва хусусий ҳамда хайрия ташкилотлари ходимларининг ишга чиқиш учун зарур бўлган шарт қилиб белгиланди", — дейилган расмий ҳужжатда. Вазирлик барча ходимларни вакцина олиш учун тайёрланишга чақирган.
Маълумотларга кўра, ҳозиргача аҳолиси 34 миллион бўлган Саудия Арабистонида 10 миллион фуқаро эмлаб бўлинди.
Пандемия бошлангандан буён подшоҳликда коронавирусга чалинганлар сони 423,4 минг кишини ташкил этди, 7 минг киши коронавирус қурбони бўлган.
