Туризм ва спорт вазирлиги Ахборот хизмати хабарига кўра, БМТнинг Бутунжаҳон туризм ташкилоти (UNWTO) томонидан «Қишлоқ туризмини ривожлантириш стартапи» танлови эълон қилинди. Танлов қишлоқ жамоаларини CОVID-19 пандемияси таъсиридан чиқаришга ёрдам берадиган энг яхши ғояларни аниқлаш мақсадида йўлга қўйилган.
Бугунги кунда дунё бўйлаб табиат ва очиқ ҳаводаги сайёҳлик турларига қизиқиш ортиб бормоқда. Ушбу тенденция орқали туризм соҳаси қайта тикланиши янада жадаллашиши кутилаётган бўлиб, «Стартап» танлови қишлоқ жамоалари учун фойда олиш билан боғлиқ энг юқори имкониятларни таъминлашга ёрдам беради.
Шунингдек, мазкур танлов қишлоқларни ривожлантириш учун бўлган алоҳида эътиборнинг бир қисми сифатида қишлоқ туризмини аҳоли камайишига қарши курашнинг асосий воситасига айланишига, унинг ривожланиши ва даромад топишида минтақавий тенгсизликни камайтиришга йўналтирилган.
