2021 йил 11 май куни 09:30 ларда, Чортоқ-Янгиқўрғон йўлининг 22 км.да, Гулшан МФЙ ҳудудида, Чортоқ туманида яшовчи, 1988 йилда туғилган фуқаро "Нексия" автомашинани ишонч қоғози орқали бошқариб бораётиб, ҳаракат хавфсизлигини таъминлай олмай, йўлнинг ўнг четига чиқиб кетиб, олма дарахтига урилган. Бу ҳақда Наманган вилояти ИИБ Ахборот хизмати маълум қилди.
Натижада Ҳайдовчи бош мия ёпиқ шикасти, юз ва ўнг қўл тирсаклари шилинган жароҳат ташхиси билан шифохонага ётқизилган ва автомашинада бўлган йўловчи, Чортоқ туманида яшаган, 1983 йилда туғилган аёл тан жароҳати олиб шифохонада вафот этган.
Ушбу ҳолат бўйича Чортоқ туман ИИБ ҳузуридаги ТБ томонидан 2021 йил 11 май куни Ўз.Р ЖКнинг 266-моддаси 2-қисми билан жиноят иши қўзғатилган.
