Эртага, 2021 йил 18 май куни мазкур йўналишида 4 рейс бир кунга бекор қилинади. Бу ҳақда “Тошкент МТУ” УК, “Ўзтемирйўлйўловчи” AЖ хабар бермоқда.
Соат 09:30 дан 16:30 гача “Тошкент минтақавий темир йўл узели” УКга қарашли Қодиря – Оққовоқ стансиялари оралиғидаги темир йўлнинг 14-15 километрида капитал таъмирлаш ишлари амалга оширилади. Шу боис, жорий йил 18 май куни ҳаракат жадвали бўйича соат:
07:10 даги – Тошкент – Хожикент;
10:10 даги – Ходжикент – Тошкент;
14:06 даги – Тошкент – Хожикент;
16:42 даги – Хожикент–Тошкент йўналишларида ҳаракатини амалга оширадиган 6429/6430 ҳамда 6435/6436-сонли шаҳарлараро йўловчи поездлари қатнови бекор қилинади.
Шу куни соат 17:31 ҳамда 19:13 да ҳаракатланадиган Тошкент – Хожикент йўналишидаги шаҳарлараро йўловчи поездлари ҳаракат жадвали бўйича қатновини амалга оширади.
“Ўзбекистон темир йўллари” AЖ раҳбарияти бундай ноқулайлик учун йўловчилардан узр сўрайди" дейилади хабарда.
