18 май – Халқаро музейлар куни бўлиб, у 1977 йилдан бери нишонлаб келинади.
Бу йили 18 май куни барча музейларда “Очиқ эшиклар куни” ўтказилади, ўнлаб янги кўргазмалар очилади. Бу кунда барча музейлар ташрифчилар учун бепул хизмат кўрсатади. Бу ҳақда Тошкент шаҳар ҳокимлиги ахборот хизмати хабар қилди.
Маълумот учун, пойтахтда 50 га яқин музей фаолият юритади. Улар орасида давлат ва хусусий, ўлкашунослик ва адабий, тарихий, техник ва бошқа кўплаб турдаги музейлар мавжуд.
