Германиянинг «Байер» клуби янги мавсумни қайси мураббий қўл остида бошлашини эълон қилди. Бу ҳақда Livesport маълум қилди.
Клуб расмий сайти хабарига кўра, Леверкузен клуби Херардо Сеоане билан келишувга эришган. Швейцариялик 42 ёшли мураббий билан 2024 йилга қадар шартнома имзоланган.
Маълумот учун, Херардо 2018 йилдан ҳозирга қадар «Янг Бойз» жамоасини бошқарган ва кетма-кет уч йил давомида «Янг Бойз» билан Швейцария чемпионига айланган.
Эслатиб ўтамиз, Леверкузен клуби март ойи якунида нидерландиялик Петер Бошни истеъфога чиқарганди. Клуб Бундеслига 33-туридан кейин 52 очко билан турнир жадвалида 6-ўринни эгаллаб турибди.
