Ташқи меҳнат миграцияси агентлиги, ваколатли ташкилотлар ва сахий инсонлар кўмагида пандемия шароитида хорижда мураккаб молиявий аҳволга тушиб қолган фуқароларимизни қўллаб-қувватлаш, моддий-ҳуқуқий ёрдам кўрсатиш, уларни Ватанга қайтаришга алоҳида эътибор қаратилмоқда. Бу ҳақда агентликнинг Матбуот хизмати маълум қилди.
Россия Федерациясининг Владивосток шаҳрида оғир касалликка чалиниб, молиявий қийин аҳволга тушиб қолган самарқандлик ҳамюртимиз Ўзбекистонга қайтарилди.
Владивосток шаҳрида фаолият юритиб келаётган “Восток-Бухара” масъулияти чекланган жамияти молиявий кўмагида ҳамда Ўзбекистон Республикасининг Владивосток шаҳридаги Бош консулхонасининг ташкилий-ҳуқуқий ёрдами билан Владивосток-Бухоро йўналиши бўйича ташкиллаштирилган чартер рейс орқали бепул Ўзбекистонга олиб келинди.
