АОКАда ўтказилган брифингда иштирок этган Коронавирусга қарши курашиш штаби аъзоси Ботир Қурбоновнинг маълум қилишича, кунлик эмлаш кўрсаткичлари бўйича Тошкент шаҳри, Наманган ва Тошкент вилоятлари етакчилик қилмоқда.
25 май куни мамлакатимиз бўйлаб COVID-19га қарши 40372 доза вакцина қўлланилди. Бугунги кунгача жами 1 миллион 683 мингдан кўпроқ доза вакцинадан фойдаланилди ва 1 миллион 212 597 нафар шахс инфекцияга қарши эмланди. Яъни, 470 минг нафар киши икки мартадан вакцина олишга улгурди.
️Бугунги кунгача Ўзбекистонда эмланганларнинг 62,5 фоизи ZF-UZ-VAС2001 вакцинаси, 34 фоизи “Ковишилд” ва 3,5 фоизи “Спутник V” вакцинасига билан қамраб олинган.
️Бир маротаба вакцина олган шахслар иккинчи марта эмланиш учун мурожаат қилиши режадан орқада қолмоқда. Биринчи бор эмланганлар 28 кун ичида тиббиёт муассаларига иккинчи бор эмланиш учун мурожаат қилишлари лозим.
