Франция ҳукумати Буюк Британиядан келган сайёҳлар 14 кунлик мажбурий қарантинга олинишини эълон қилди. Бу ҳақда Euronews хабар берди.
Маълум бўлишича, ҳукумат Ҳиндистонда тарқалган вируснинг янги туридан хавотирда эканини билдирган.
“Мазкур қарорнинг кучга кириши билан боғлиқ тафсилотлар тез орада аниқ бўлади”, деди Франция ҳукумати расмий вакили Габриэль Aтталь.
Эслатиб ўтамиз, ҳозиргача 16 мамлакат Франция ҳудудига киргандан сўнг, 14 кунлик карантинга олинаётган эди. Энди Буюк Британия фуқаролари учун ҳам ушбу тартиб кучга кирди.
