Тошкент – Тель-Aвив – Тошкент қатнови Ўзбекистонда ва Исроилда эпидемиологик вазиятни яхшилаш билан бир қаторда ҳамда режали қайта тикланишни ҳисобга олган ҳолда, Тошкент-Тель-Aвив-Тошкент қатнови қайта тикланди. Бу ҳақда “Uzbekistan Airways” АЖ маълумот берди.
Тошкент-Тель-Aвив-Тошкент йўналиши бўйича парвоз 2021 йил 24-май куни амалга оширилди.
Мунтазам авиақатнов ҳафтада бир марта, душанба куни амалга оширилади. Тошкент – Тел-Aвив авиачиптасининг нархи 4 276 000 сўмдан бошланади. Тошкент – Тел-Aвив – Тошкент йўналиши авиачиптасининг нархи 5 738 000 сўмдан бошланади (нархлар авиакомпаниянинг расмий сайтидан 3% чегирмани ҳисобга олинган ҳолда кўрсатилган).
Таъкидлаш жоизки, хорижий фуқароларга Исроилга кириш ва транзит мақсадида фойдаланиш тақиқланди. Ушбу рўйхат Исроил фуқаролари ва резидентлари, аҳоли ва иммиграция бошқармаси томонидан берилган рухсатномага эга йўловчиларни ўз ичига олмайди.
Бундан ташқари, 72 соатдан кўпроқ вақт давомида Исроилдан ташқарида бўлган, ушбу давлатга кирган ёки транзит йўловчилар ва экипаж аъзолари 72 соат олдин CОВИД-19 учун ПCР-тестини топширишлари ва биринчи нуқтадан чиқишдан олдин тестнинг салбий натижасини олишлари керак.
Йўловчилар COVID-19 харажатларини қоплаш учун тиббий суғуртага (Исроил фуқаролари ва резидентларига тааллуқли эмас) эга бўлишлари керак.
• Йўловчилар Исроилга келишлари билан CОВИД-19 учун ПЦР-тестини топширади ва 14 кунгача карантинда сақланишлари мумкин.
