Шимолий Корея раҳабри Ким Чен Ин дунёда коронавируснинг кенг тарқалаётганидан хавотирда экани сабабли ўзининг оммавий тадбирлардаги иштирокини қисқартирди. Бу ҳақда икки Кореяни бирлаштириш бўйича вазирлик вакилига таяниб «Рёнхап» агентлиги хабар берди, деб ёзмоқда «Интерфакс».
«2020—2021 йилда коронавируснинг тарқалиши муносабати билан Ким Чен Иннинг жамоат фаолиятида пасайиш тенденцияси кузатилди. Унинг партия қурултойи каби кенг кўламли сиёсий тадбирларда иштирок этиши бундан мустасно», — деб хабар берди вазирлик вакили журналистларга номини ошкор қилинмаслик шарти билан.
Таъкидланишича, яқинда КХДР раҳбари, тахминан, 20 кун давомида жамоатчилик эътиборидан четда қолди.
Агентликка хабар берган вакилнинг сўзларига кўра, давлат раҳабарининг охирги пайтларда жамоатчиликка кўриниш бермаганининг сабабини айтишга ҳали эрта, лекин вазирлик тегишли вазиятларни диққат билан кузатиб боради.
