Қамаши туманининг собиқ ҳокими Рашид Муҳаммадиев 57 ёшида оламдан ўтди. Бу ҳақда туман ҳокимлиги ахборот хизмати хабар берди.
Таъкидланишича, собиқ ҳоким кеча, 29-май куни вафот этган.
Рашид Муҳаммадиев 1964-йил Ғузор туманида туғилган бўлиб, Самарқанд қишлоқ хўжалиги институтини тамомлаган. “Дўстлик” ордени давлат мукофоти билан тақдирланган.
Қамаши туманини 2005—2017-йилларда бошқарган Рашид Муҳамадиев ҳокимликдан кетгач, айни кунгача вилоят қишлоқ хўжалиги бошқармасида бўлим бошлиғи вазифасида ишлаб келаётган эди.
