Тошкент шаҳар Миробод туманида “Бўш иш ўринлари" меҳнат ярмаркаси ўтказилди. Бу ҳақда Меҳнат вазирлиги хабар бермоқда.
️Ярмаркада ҳудудлардаги 135 та иш берувчи корхона ва ташкилотлар ўзларининг 2,3 мингдан ортиқ бўш (вакант) иш ўринлари билан иштирок этди.
Ярмарка давомида 478 нафар фуқаролар (236 нафар аёллар, 251 нафар ёшлар) қатнашиб, улардан 73 нафар фуқаролар шу ернинг ўзида ишга жойлаштирилди. Шу билан бир қаторда, 84 нафар фуқароларга ишга жойлаштириш бўйича йўлланма берилди, 39 нафар қатнашувчилар эса ҳақ тўланадиган жамоат ишларига жалб этилди.
