Россиядаги қурилиш объектларида меҳнат мигрантлари билан боғлиқ вазият аянчли даражага тушиб қолмоқда. Ишчи кучи нархи эса 50-100 фоизгача ошган. Бу ҳақда Петербург халқаро иқтисодий форумида Россия Федерацияси бош вазири ўринбосари Марат Хуснуллин хабарига асосланиб, Ташқи меҳнат миграцияси агентлиги маълум қилди.
Бош вазир ўринбосарининг сўзларига кўра, Коронавирусга қарши кураш бўйича штабнинг сўнгги йиғилишида Россия қурилиш майдонларида ишлашга тайёр бўлган хорижий ишчиларнинг мамлакатга кириши бўйича амалдаги тартибни соддалаштириш бўйича таклиф тайёрланган.
