Мадриднинг «Реал» клуби сардори Серхио Рамоснинг ёзда «қироллик клуби»ни тарк этиши деярли ойдинлашган.
As’нинг хабар беришича, Мадрид клуби жамоа шарафини 16 йил давомида муносиб ҳимоя қилган 35 ёшли футболчиси билан хайрлашишга тайёрланмоқда. Клуб президенти Флорентино Перес тез орада Рамос билан учрашиб, июнь ойида унинг клубдаги хайрлашув маросимини ташкил этмоқчи.
Клуб раҳбарияти ғоясига кўра, Рамос клуб стадионидаги музейда жамоа сафида қўлга киритган 22та соврини билан суратга тушиши ва барча билан хайрлашиши режалаштирилган. Бу фикрга футболчининг реакцияси ҳозирча маълум эмас.
Аввалроқ, футболчи ва клуб 30 июнь куни якунига етадиган шартномани узайтириш борасида келишувга эриша олмагани ҳақида хабар берилганди.
Маълумот учун, Рамос Ла Лига жорий мавсумида 15 ўйинда майдонга тушиб, 2та голга муаллифлик қилди.
