Тошкент шаҳридан оқиб ўтувчи Дамаши ва Бўзсув каналларида икки нафар фуқаро чўкиб кетиб ҳалок бўлди. Бу ҳақда “Замон” информацион дастурида хабар берилди.
Маълум қилинишича, Дамаши каналида қўлини ювиш учун сувга яқин келган 2005 йилда туғилган наманганлик йигит чўкиб кетиб ҳалок бўлган.
Шунингдек, Бўзсув каналида ҳам бир эркак чўкиб кетиб ҳалок бўлди. У чўкаётган қизни кўриб қолган ва уни қутқариш мақсадида сувга ўзини ташлаган. Бироқ, қизни қутқарган эркакнинг ўзи сувдан чиқолмай, чўкиб кетган. Ҳозирда икки каналда чўкиб кетган ҳар икки фуқарони қидириш ишлари олиб борилмоқда.
