Наманган вилоят ҳокими Шавкатжон Абдуразақов раҳбарлигидаги делегация қўшни Қирғизистон Республикасининг Жалолобод вилоятига йўлга чиқди.
Ҳар икки вилоят ўртасидаги маданий-иқтисодий ҳамкорлик алоқаларини янада мустаҳкамлаш мақсадида қўшни республикага йўл олган Наманган делегацияси таркибида вилоят ҳокимлиги вакиллари, маданият ва санъат соҳаси намояндалари, тадбиркор ва ишбилармонлар бўлиб, ҳар икки қўшни вилоятлар ўртасида барча жабҳаларда дўстона қўшничилик тамойилига асосланган ўзаро тенг ҳамкорликни ривожлантириш мақсад қилиб олинган.
