Ушбу саволга Соғлиқни сақлаш вазирлиги Вирусология илмий-текшириш институтининг юқумли касалликлар шифокори Соҳиба Утегенова қуйидагича жавоб берди.
" – Дарҳақиқат, ZF-UZ-VAC2001 ўзбек-хитой вакцинасининг клиник синовлари ҳали давом этмоқда. Фақат, 60 ёшдан юқори кўнгилли фуқароларни Халқаро клиник синовлардан ўтказишга таклиф қилмоқдамиз.
Ҳозирда қабулимизга келган аҳолини БЕПУЛ тўлиқ текширувлардан ўтказмоқдамиз. Дейлик, коронавирусга антитаначалар борлигини билиш учун клиникада маълум бир сумма тўланади. Бизда эса бу жараён текин.
Ўйлайманки, ҳар бир инсон ўзи учун вирусга нисбатан организмда антитаначаларнинг ҳолатини билса, кўнгли ҳотиржам бўларди.
Хабарингиз бўлса, клиник синовларда вакцина олган кўнгилли фуқарога 3-босқич эмланиш давомида 100 АҚШ доллари миқдорида пул берилади. Лекин бундай ҳолат кўпчиликни кўнглига шубҳа солаётган экан. Демак, вакцина соғлиғимизга ёмон таъсир қилади, шунга олдиндан пул таклиф қилишмоқда ва ҳаказо.
Бутун дунё миқёсида коронавирусга қариш вакцина олган кўнгилли фуқароларга моддий маблағ ажратилди. Худди шундай бизда ҳам.
Қувонарлиси, ZF-UZ-VAC2001 ўзбек-хитой вакцинаси оммавий эмлаш жараёнларида ва клиник синовлардан муваффақиятли ўтмоқда.
Шу сабабли бу борада янглиш фикрга бориш ноўрин.
ZF-UZ-VAC2001 ўзбек-хитой вакцинасининг клиник синовлари бир нечта поликлиникаларда ўтказилмоқда.
Шулардан:
- Тошкент шаҳри, Саид Барака, 10, Ички ишлар марказий поликлиникаси
- Тошкент шаҳри, Яккасарой тумани, ИИББ поликлиникаси
- Тошкент шаҳри, Буюк Ипак Йули, Тошкент вилояти, Ички ишлар поликлиникаси 231 уй.
- Қора- қамиш 2 кўчаси, 1-уй, 15-поликлниика.
60 ёшга тўлган ва ундан юқори бўлган фуқаролар ўзларига яқин бўлган, юқоридаги поликлиникаларга мурожаат этишлари мумкин.
Юқоридагиларни эътироф этган ҳолда, Хитой ва Ўзбекистон олимларимиз томонидан яратилган ZF-UZ-VAC2001 вакцинанинг хавфсизлиги ва самарадорлигини 60 ёш ва ундан юқори бўлган фуқароларни Халқаро клиник - синовни ниҳоясига етказишга, яъни вакцинадан сўнг ҳимоя иммунитетнинг даврийлигини (18-59 ёш ва 60 ёшдан ошган Covid- 19 билан оғримаган "стерил" иммунитетли фуқароларда) далиллар асосида кўрсатиб беришда, ватанимизда "пандемия" тугашида ўз ҳиссаларингизни қўшиш учун таклиф этиб қоламиз", –
