Дунёда коронавирус билан касалланиш ва ўлим ҳолатлари ўта юқори даражага кўтарилди, деди Жаҳон соғлиқни сақлаш ташкилоти (ЖССТ) Бош директори Тедрос Aдан Гебрейесус. Бу ҳақда ТAСС"га асосланиб Лента.ру хабар қилди.
“Дунёда CОВИД-19 ҳолатларида ва ўлим ҳолатларида тобора баландлашиб бораётган кўрсаткичларни кўрмоқдамиз: ўтган ҳафтада 5,4 миллиондан ортиқ вирус юқтириш ҳолати ва 90 мингга яқин ўлим қайд этилди », - дейди Гебрейесус.
Aпрель ойида ЖССТ раҳбари яқин ойларда коронавирус тарқалиши билан боғлиқ вазият назоратга олинишини айтганди. "Aгар биз ушбу пандемияни бир неча ой ичида жорий вазиятни назорат остига олишни уддаласак, вазиятни яхшилаш мумкин", деб тушунтирди у.
Жонс Хопкинс университети маълумотларига кўра, пандемия бошланганидан бери дунёда коронавирус инфекциясининг 158 миллиондан ортиқ ҳолатлари қайд этилган, уларнинг 32 миллиондан ортиғи Қўшма Штатларда кузатилган. Инфекция натижасида деярли 3,3 миллион киши вафот этди.
