Наманган вилояти Янгиқўрғон туманида 6 июнь куни уйида фоҳишахона сақлаган 35 ёшли эркак ушланди. Бу ҳақда вилояти Ички ишлар бошқармаси ахборот хизмати хабар берди.
Қайд этилишича, фуқаро хонадонида 2001 йилда туғилган йигит ва 1993 йилда туғилган аёлга жинсий алоқа қилиши учун шароит яратиб берган. У бунинг учун 50 минг сўм олган.
Ҳолат юзасидан тергов бўлими томонидан Жиноят кодексининг 131-моддаси (Қўшмачилик қилиш ёки фоҳишахона сақлаш) 1-қисми билан жиноят иши қўзғатилган.
