Куни кеча Халқаро оғир атлетика федерацияси (IWF) рейтинг орқали Токио Олимпиадасига йўлланмаларни қўлга киритган спортчилар рўйхатини эълон қилди. Бу ҳақда Туризм ва спорт вазирлиги Ахборот хизмати хабар берди.
Маълумки, ушбу Олимпиада циклида Ўзбекистон терма жамоаси максимал 2+2 кўринишида 4та йўлланмани қўлга киритиши мумкин эди. Қувонарлиси, терма жамоамиз берилган имкониятдан максимал даражада фойдалана олди.
IWF рейтинги орқали эркаклар ўртасида Адҳамжон Эргашев (-67 кг) ва Акбар Жўраев (-109 кг), қизларимиздан Муаттар Набиева (-55 кг) ҳамда Кумушхон Файзуллаева (-76 кг) Токио-2020 йўлланмаларига сазовор бўлишди.
