Самарқанд вилоятидан З.Х оиласидаги молиявий қийинчилик сабабли Россиянинг Челябинск шаҳрига ишлаш мақсадида кетган. Фуқаро З.Хнинг ижтимоий тармоқлар орқали уйсиз ва пулсиз, вояга етмаган фарзандлари билан қийин аҳволда қолганлиги, шунга кўра Ватанга қайтишга ёрдам сўраган мурожаати тарқалди.Бу ҳақда Ташқи меҳнат миграцияси агентлиги хабар берди.
Маълум қилинишича, ташқи меҳнат миграцияси агентлиги томонидан ушбу фуқаролар билан алоқа ўрнатилиб, вақтинча яшаш жойи (хостел)га жойлаштирилган. Фуқаронинг 2 нафар фарзандига Ўзбекистоннинг Екатеринбург шаҳридаги Бош консулхонаси томонидан "Ватанга қайтиш гувоҳномаси" расмийлаштириб берилган.
Шунингдек, 18 июнь куни Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан Екатеринбург-Самарқанд йўналишидаги авиарейс орқали Ўзбекистонга қайтарилди.
