Олмалиқ кон-металлургия комбинати дунёда кучликка учликка кирувчи етакчи рейтинг агентлиги саналган S&P Global Ratings томонидан кредит рейтингида «В+» даражаси ҳамда «Барқарор» башоратини олди. Бу ҳақда комбинат ахборот хизмати хабар берди.
Олмалиқ кон-металлургия комбинати Ўзбекистонда энг йирик солиқ тўловчи корхоналар рўйхатида иккинчи ўринда туради.
Мамлакатда олинадиган миснинг 90%и, кумуш ва олтиннинг 20%и комбинат ҳиссасига тўғри келади.
Корхонада ишлаб чиқариш ҳажмининг оширилиши тизимли бажарилаяпти ҳамда ишлаб чиқариш қувватларини модернизация қилиш муваффақиятли олиб борилмоқда.
Дунёнинг етакчи эксперти томонидан билдирилган халқаро эътироф мамалакатимизда йирик кон-металлургия тармоғини рақобатбардошлигини оширишда кенг қамровли ўзгаришлар амалга оширилаётганлигининг, уларни инвестициявий жозибадорлигини оширишнинг, корпоратив бошқарувнинг замонавий услубларини жорий этилиши натижасидир.
