Бугун кундуз куни Ўзбекистонда ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол 15-20 м/с гача кучайиши мумкин, баъзи жойларда эса чангли бўрон билан 23-28 м/с гача кучаяди. Ҳаво ҳарорати 29-34° атрофида бўлади. Бу ҳақда Ўзбекистон Гидрометеорология хизмати маркази хабар берди.
Маълум қилинишича, бугун пойтахтимизда ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол 12-17 м/с гача кучайиши мумкин. Ҳаво ҳарорати 30-32° бўлади.
Республиканинг тоғ олди ва тоғли ҳудудларида ҳаво ўзгариб туради, баъзи жойларда қисқа муддатли ёмғир ёғиши, момақалдироқ бўлиши мумкин. Шамол 15-20 м/с гача кучайиши мумкин, баъзи жойларда эса чангли бўрон билан 23-28 м/с гача кучаяди. Ҳаво ҳарорати 20-25° бўлади.
