Йўловчиларга қулайлик яратиш мақсадида 2021 йил 22 июндан бошлаб, ҳозирги кунгача “Тошкент-Қарши” йўналишида ҳаракатланиб келаётган 4/3-сонли “Насаф” тезюрар электропоезди “Шаҳрисабз” темир йўл вокзалигача қатновини амалга оширишни бошлайди. Бу ҳақда “O‘ztemiryo‘lyo‘lovchi” хабар бермоқда.
Бу сайёҳларга Қамаши туманидаги “Лангар-Ота” зиёратгоҳига бориш учун ҳам қулайлик яратади. Чунки ушбу поезд Қамаши станциясида ҳам тўхтаб ўтади.
4-сонли поезд бугун Тошкент Марказий темир йўл вокзалидан ўзининг амалдаги жадвалига асосан, “Қарши”темир йўл вокзалидан эса соат 14:27 дан бошлаб “Шаҳрисабз” шаҳрисабз йўналишига, шунингдек, бугун соат 17:04 дан бошлаб эса 3-сонли “Насаф” электропоезди “Шаҳрисабз-Тошкент” йўналишида қатновини амалга оширишни бошлайди.
Шу сабабли 6318-сонли “Қарши-Шаҳрисабз” шаҳарлараро электропоездининг ҳаракат жадвалига ҳам бироз ўзгартириш киритилади. Унга кўра ушбу поезд бугундан Қарши темир йўл вокзалидан соат 17:29 да қатновини амалга оширади.
Маълумот ўрнида:
Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин.
