Коронавирусга қарши курашиш штаби аъзоси Севара Убайдуллаева Ўзбекистонда нима сабабдан коронавирус билан касалланиш ҳолатдари кўпайиб кетаётгани ҳақидаги саволга жавоб берди.
Маълум бўлишича, касалликнинг Ўзбекистонда кўпайиб кетаётганига аҳоли тиббий ниқоблардан фойдаланмай қўйгани ҳамда ҳавонинг қуруқлиги асос қилиб келтирилган.
«Аҳоли орасида ниқоблар тақилмай қўйилгани — бу инфекциянинг одамдан одамга юқиши учун жуда қулай шароит, яъни ҳозир кунлар иссиқ, ҳаво қуруқ — вируснинг ҳавода ҳаракатланишига тўсқинлик йўқ ва у бемалол инсонларнинг юз ва қўл терисига ёки кўз шиллиқ қаватига, бурундан нафас оламиз — ҳаводаги вирус бурун шиллиқ қавватига ёки томоққа тушади ҳамда ҳужайра ичига кириб, касаллик чақиришга имконият қидиради», — дейди Севара Убайдуллаева.
Шунингдек, бундай ҳолларга аҳоли орасида тўй-ҳашамлар, ҳар хил кўнгилочар тадбирлар кўпайтириб юборилгани сабаб бўлгани айтилган.
«Ижтимоий масофани сақламай қўйдик. Яъни жуда кўп тўй-ҳашамлар, туғилган кунлар ва одамлар тўпланиши мумкин бўлган кўнгилочар тадбирларни кўпайтириб юбормоқдамиз», — деди штаб аъзоси.
