Жаҳон соғлиқни сақлаш ташкилоти (ЖССТ) коронавирусга қарши эмлаш бўйича кўрсатмаларини болалар ва ўспиринлар тўғрисидаги бандни қўшиб янгилади. Янгиланган версия ЖССТ расмий веб-сайтида жойлаштирилган, дея ёзмоқда ТАСС.
"Болалар ва ўспиринларда, қоида тариқасида, касаллик катталарникига қараганда енгилроқ бўлади, шунинг учун агар улар коронавируснинг оғир кечиш хавфи юқори бўлган гуруҳга кирмаса, улар кекса одамлар, бошқа ёшдаги одамлар сингари зудлик билан эмланмайди", дейилади ҳужжатда. Шу билан бирга, ёшроқ гуруҳлар ўртасида эмлаш бўйича умумий тавсиялар бериш учун болалар орасида турли коронавирус вакциналарини қўллаш бўйича кўпроқ маълумотларга эҳтиёж борлигини таъкидлайди.
Тавсия шунингдек, Жаҳон соғлиқни сақлаш ташкилотининг стратегик маслаҳат гуруҳи Pfizer вa BioNTech томонидан ишлаб чиқарилган вакцинани 12 ёш ва ундан юқори ёшдаги одамлар фойдаланиши учун яроқли деган хулосага келганлигини таъкидлайди. Жаҳон соғлиқни сақлаш ташкилоти тадқиқотларда янги далиллар пайдо бўлганда ёки эпидемиологик вазият сиёсатни ўзгартиришни талаб қилганда ўз тавсияларини янгилаши ҳақида хабар бермоқда.
Москва шаҳар ҳокимининг ижтимоий ривожланиш бўйича ўринбосари Анастасия Ракова 12-17 ёшли болалар ўртасида "Спутник V" вакцинасининг клиник синовлари июль ойининг бошида Москвада бошланишини маълум қилди.
