Юнусобод тумани ИИО ФМБдан келиб тушган хабарга кўра, 23 июнь куни соат 21.00 дан 24 июнь соат 07.30 га қадар бўлган вақт оралиғида номаълум шахс “Нексия-2” русумли, давлат рақами 70 В 676 GA бўлган металл рангли автомобилни олиб қочган. Бу ҳақда Тошкент шаҳар ИИБ Ахборот хизмати маълум қилди.
Автомобиль эгаси - 30 ёшли Мухриддин Ю. автомобилини қаровсиз калити билан Юнусобод тумани 14-кварталдаги 36-сон уйнинг ёнида қолдирганини маълум қилди. 24 июнь куни эрталаб автомобиль қолдирилган жойда йўқлигини кўриб, ички ишлар органларига хабар берган.
Тошкент шаҳар ИИБ фуқаролардан уни топишда ёрдам сўрайди:
Ҳурматли фуқаролар! Юқоридаги автомобильни кўриб қолсангиз ички ишлар органларига қуйидаги рақамлар орқали хабар беришингизни сўраймиз: 71 235-00-02, 97 432-21-72, 98 313-41-63 ёки 102.
Махфийлик кафолатланади. Кўмак учун олдиндан ташаккур.
Барча ҳайдовчиларга мурожаат қиламиз: автомобилингизни калити билан очиқ ҳолда қолдирманг! Акс ҳолда унинг олиб қочилишига ҳисса қўшган бўласиз.
