Эртага, 25 июнь куни Тошкент – Хожикент – Тошкент йўналишида ҳаракатланадиган шаҳарлараро йўловчи поездларининг 2 та рейси бекор қилинади. Бу ҳақда “Ўзтемирйўлйўловчи” AЖ маълум қилди.
"Тошкент минтақавий темир йўл узели” УКга қарашли “ОҚҚОВОҚ” стансиясининг 1-асосий темир йўлида капитал таъмирлаш ишлари амалга оширилади.
Шу сабабли, 2021 йил 25 июн куни соат 07:10 да – Тошкент – Хожикент, 10:10 да – Хожикент – Тошкент йўналишида ҳаракатланадиган шаҳарлараро йўловчи поездлар қатнови бекор қилинади.
Шу куни соат 14:06, 16:42, 17:31 ҳамда 19:13 да ҳаракатланадиган Тошкент – Хожикент – Тошкент йўналишидаги шаҳарлараро йўловчи поездлари ҳаракат жадвали бўйича қатновини амалга оширади.