Қирғизистон Республикаси Соғлиқни сақлаш вазири Aлимқодир Бейшеналиевга Covid-19 ташхиси қўйилди. Бу ҳақда Aлимқодир Бейшеналиевнинг ўзи 24.kg ахборот агентлигига маълум қилган.
Алимқодир Бейшеналиев 29 март куни коронавирусга қарши Хитойнинг Sinopharm вакцинаси билан эмланган эди.
Вазирнинг сўзларига кўра, ПЦР тестининг натижаси ижобий бўлган ва унда инфекция борлиги тасдиқланган. “Кеча ўзимни жуда ёмон ҳис қилдим. Бугун эса гаплаша оляпман. Мен масофадан туриб ишлай бошладим », - деди вазир.
Бир кун олдин, 25 июнь куни Қирғизистон Вазирлар Маҳкамасининг навбатдан ташқари йиғилишида Соғлиқни сақлаш вазирлигининг аҳолини коронавирус инфекциясига қарши вакциналар билан таъминлаш ишлари қониқарсиз деб топилди.
Рисолат МАХСИМОВА тайёрлади
