Туркия Республикаси вице-президенти Фуат Октай бошчилигидаги делегация Самарқандга ташриф буюрди Делегацияга Ўзбекистон Республикаси Бош вазирининг ўринбосари-Инвестициялар ва ташқи савдо вазири С.Умурзақов ҳамроҳлик қилди. Бу ҳақда Самарқанд вилояти ҳокимлиги Ахборот хизмати хабар берди.
Маълум қилинишича, меҳмонларни Самарқанд халқаро аэропортида вилоят ҳокими Эркинжон Турдимов кутиб олган. Қисқа суҳбатдан сўнг ташриф дастурига мувофиқ меҳмонлар Самарқанднинг диққатга сазовор жойларига саёҳат ва зиёратни бошлашган.
