«Барселона» президенти Жоан Лапорта Лионель Месси билан янги шартнома ҳали имзоланмагани борасида фикрини билдирди.
«Музокара жараёни давом этмоқда. У клубда қолмоқчи. Биз ҳам Мессининг қолишини истаймиз. Ҳозирда янги шартнома шартлари бўйича изланишдамиз», - дея Каталония клуби президентининг сўзларини келтирмоқда Sport.es сайти.
Эслатиб ўтамиз, Мессининг «Барса» билан амалдаги шартномаси 30 июнь куни якунига етган ва аргентиналик 34 ёшли ҳужумчи ҳозирда эркин агент ҳисобланади.
Маълумот учун, Месси Ла Лига якунланган мавсумида 35 ўйинда 30та голга муаллифлик қилган.
