Дания - Европа иттифоқининг оилавий молиявий активлари бўйича энг бой мамлакат. Мамлакат Миллий банки ҳисоботига кўра, бу кўрсаткич 1,88 миллион Дания кронасини (300 минг доллар) ташкил этади.
Шу билан бирга, ушбу мамлакат аҳолисининг қарзлари қўшниларига қараганда кўпроқ. Мажбуриятларнинг катта қисми кўчмас мулк билан таъминланган банк ва ипотека қарзлари билан боғлиқ (тахминан 86%).
Умуман олганда, данияликларнинг молиявий кўрсаткичлари Европа иттифоқининг ўртача кўрсаткичидан деярли уч баравар юқори.
Шу йилнинг биринчи чорагида уларнинг бойлиги янада ошди ва бир кишига ўртача 24 минг Дания кронасини (3,8 минг доллар) ташкил этди.
Молиявий активлар бўйича Голландиядаги уй хўжаликлари иккинчи ўринни эгаллади, ундан кейин Люксембург ва Швеция.
Aммо тадқиқотда энг қашшоқ мамлакат Руминия. Ушбу мамлакатда оилавий активлар 80 минг Дания кронасини (12,7 минг доллар) ташкил этади.
