Аввал хабар берилганидек, айни кунда мамлакатимизда аномал иссиқ ҳаво кузатилмоқда.
Бундай иссиқ ҳаво пайтида пўлат излардаги ҳарорат янада юқори бўлади. Шу боис, ҳаракат хавфсизлигини таъминлаш мақсадида 2021 йил 4 июль санасида Андижон -Тошкент ҳамда Тошкент-Андижон йўналишларида ҳаракатини амалга ошираётган 59, 62-сонли йўловчи поездларининг ҳаракат жадвалида ўзгариш бўлиб, ўз манзилига бироз кечикиб бориши мумкин.
Бу ҳақда хабар қилган “Ўзбекистон темир йўллари”АЖ раҳбарияти бундай ноқулайлик учун йўловчилардан узр сўрайди.
Изоҳ: Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олиш мумкин.
