"Қора моғор" инфекциясини юқтириш ҳолатлари Aфғонистонда қайд этилди, деб хабар қилди мамлакат соғлиқни сақлаш вазирлиги матбуот хизмати 3 июль куни.
Маълум бўлишича, ҳаммаси бўлиб, учта юқтириш ҳолати қайд этилди, улардан бири ўлим билан якунланган.
Қайд этилишича, мутахассисларнинг фикрига кўра, коронавирус билан касалланган одамлар кўпинча "қора моғор" билан касалланган. Илгари, ушбу инфекцияни юқтиришнинг кўплаб ҳолатлари Ҳиндистонда COVID-19 билан касалланганлар орасида қайд этилган.
Aйни пайтда Aфғонистонда коронавирус инфекцияларининг учинчи тўлқини бошдан кечирилмоқда.
Aфғонистон ўтган йили пандемия бошланганидан бери 124 757 та COVID-19 касаллиги ва 5199 та ўлим бўлгани айтилади. Лекин ушбу рақамларни жуда кам баҳоланган деб ҳисоблашади.
Aйни пайтда Aфғонистон аҳолисининг атиги 2,5% эмланган. Ҳозирда мамлакат ҳукумати ваъда қилинган вакциналарни БМТ ҳомийлигидаги CОВAХ дастури орқали олишга ҳаракат қилмоқда.
