“Барселона” клуби ва Испания терма жамоаси ярим ҳимоячиси Серхио Бускетс бармоғини шикастлагани учун терма жамоа лагерини тарк этди, деб хабар бермоқда AS.
Серхио Бускетс Испания терма жамоасининг Италияга қарши 24 март куни ва Руминия қарши 27 март куни бўлиб ўтадиган ўртоқлик ўйинларини ўтказиб юборади.
27 ёшли ярим ҳимоячи Барселонага қайтиб кетди ва у ерда тиббий текширувдан ўтади. Шундай сўнг унинг жароҳати ҳақида аниқ маълумотлар берилади.
