«Милан» ва Италия миллий жамоаси собиқ ҳужумчиси Марио Балотелли фаолиятини Туркия чемпионатида давом эттирадиган бўлди.
Туркия Суперлигаси дебютанти «Адана Демирспор» клуби италиялик 30 ёшли форвард билан 3 йиллик келишувга эришганини расман эълон қилди. Шартномани имзолаш учун Балотелли ва унинг агенти Мино Райола Туркияга келди.
Фаолияти давомида «Интер», «Манчестер Сити» ва «Ливерпуль» сафида тўп сурган Марио ўтган мавсумни Б Серия вакили «Монца» сафида ўтказиб, турнирда ўтказган 14 ўйинда 6 та голга муаллифлик қилган.
