Uzbekistan Airways йўловчилари учун 10 июлдан 31 июлгача бепул багаж ташиш меъёрини оширмоқда. Бу ҳақда миллий авиакомпания Ахборот хизмати хабар берди.
Маълум қилинишича, энди Тошкент-Истанбул-Тошкент йўналиши бўйлаб саёҳат қилишни режалаштираётган йўловчиларда эконом классда 40кг гача, бизнес-классда 50кг гача бепул багаж ташиш имконияти бор.
Самарқанд-Истанбул-Самарқанд, Урганч-Истанбул-Урганч, Фарғона-Истанбул-Фарғона йўналишлари бўйича сафар қилишни режалаштираётган йўловчиларга харид қилинган эконом класс тарифидан қатъий назар, 35 кг гача, бизнесс-классда 40гача бепул багаж ташишга рухсат берилади.