Бош прокуратура ҳузуридаги Департаментнинг хабар беришича, ДХХнинг Бухоро вилояти бошқармалари томонидан Миллий гвардия ходимлари билан ҳамкорлигида ўтказилган тадбирда, муқаддам фирибгарлик ва бошқа жиноятлари учун судланган Ш.Ш. 2 нафар фуқарони ваколатли танишлари орқали Тошкент ирригация ва қишлоқ хўжалигини механизациялаш муҳандислари институти Бухоро филиалига ўқишга киритиб қўйиш эвазига 4 000 АҚШ долларини олган вақтида ушланиб, унинг кўрсатувларига асосан давом этган тадбирда, яна бир фуқаро У.Ж. шериги Ш.Ш.дан 4 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилаётгани айтилмоқда.