Ўзбек журналистикаси оғир жудоликка учради. Истеъдодли ижодкор, бетакрор сураткаш, салоҳиятли ташкилотчи ва ташаббускор инсон, меҳрибон устоз Тоҳиржон Ҳамроқулов 70 ёшида оламдан ўтди. Бу ҳақда Фарғона вилояти ҳокимлиги маълум қилди.
У 1951 йилда Бағдод туманида туғилган . Бутун умрини мамлакат матбуоти, фотожурналистикаси ривожига бағишлади. “Халқ сўзи” гезетасида ишлаган йилларида мамлакатимизда унинг қадами етмаган, у кириб бормаган хонадон қолмаган . Ўзбекистон Республикаси Олий Мажлиси Қонунчилик палатаси депутати сифатида халқ ишончини қозонди, жамоат арбоби сифатида эл-юрт хотирасида қолди. У асос солган “Тоҳир-Бағдод” телевидениеси унинг номини бутун мамлакатга машҳур қилган. Т.Ҳамроқуловнинг эл-юрт, ўзбек матбуоти олдидаги улкан ва беқиёс хизматлари муносиб тақдирланган. У “Олтин қалам” миллий мукофоти совриндори, бир қатор кўкрак нишонлари ва Фахрий ёрлиқлар билан тақдирлаган эди–дейилади хабарда.
Вилоят ҳокимлиги Тоҳиржон Ҳамроқуловнинг оиласига ва яқинларига чуқур таъзия изҳор қилиб, уларга сабр тилади.
