Микробиология соҳасида етакчи олим Маҳмуд Закирович Закиров 93 ёшида вафот этди. Бу ҳақда Иновацион ривожланиш вазирлиги маълум қилди.
М.З.Закиров Ўзбекистон Республикаси Фанлар академияси Микробиология институтида «Микроорганизмлар ферментлари» лабораториясининг фаол ташкилотчиларидан бири бўлган ва узоқ йиллар мобайнида ушбу лабораторияни бошқарган. Етакчи амалиётчи, моҳир устоз ва мураббий олим М.Закиров бактерия ва замбуруғларнинг турли фермент тизимларини ўрганиш, тавсифлаш, улардан халқ хўжалиги ва саноатда кенг фойдаланиш соҳасига улкан ҳисса қўшган.
Инновацион ривожланиш вазирлиги жамоаси ва раҳбарияти М.З.Закировнинг вафоти муносабати билан унинг яқинлари ва ҳамкасбларига чуқур ҳамдардлик билдирмоқда.
