16 июль куни Тошкент шаҳрида «Марказий ва Жанубий Осиё: минтақавий боғлиқлик. Таҳдидлар ва имкониятлар» мавзусидаги халқаро конференция доирасида «Марказий Осиё – Россия» шаклидаги ташқи сиёсат идоралари раҳбарларининг тўртинчи йиғилиши бўлиб ўтади, деб хабар бермоқда «Дунё» АА мухбири.
Ташқи ишлар вазирлиги манбасига кўра, учрашув давомида Марказий Осиё мамлакатлари ва Россия ўртасидаги ҳамкорликнинг долзарб масалалари, халқаро сиёсат ва минтақавий хавфсизлик, айниқса, Афғонистондаги вазият юзасидан фикр алмашилади.
Тадбир якунида қўшма баёнот қабул қилиниши режалаштирилган.
