Бугунги Халқаро конференцияда президент Шавкат Мирзиёев томонидан берилган таклифлар ичида энг аҳамиятлиларидан бири – бу минтақаларимиз ҳудудида озиқ-овқат хавфсизлигини таъминлаш масаласининг кўтарилиши бўлди.
“Сўнгги вақтда асосий озиқ-овқат маҳсулотларининг нархи жадал ўсиб бораётгани, дунёнинг баъзи минтақаларида аҳоли кескин озиқ-овқат тақчиллигини бошидан кечираётгани кузатилмоқда. Бундай таҳдидларни бартараф этиш бўйича Дастур ишлаб чиқиш учун БМТнинг Озиқ-овқат ва қишлоқ хўжалиги ташкилоти (ФАО) шафелигида мамлакатларимиз қишлоқ хўжалиги вазирларининг учрашувини ўтказишни таклиф этамиз”, - деди давлатимиз раҳбари.
Мазкур ҳужжатда:
- ишлаб чиқариш кооперацияларига оид лойиҳаларни амалга ошириш;
- илғор технологияларни татбиқ этиш;
- қўшма лойиҳаларни тайёрлаш ва тегишли тадқиқотлар ўтказиш каби вазифаларни назарда тутиши зарур эканлиги таъкидланди.
Мавзуга оид:
