Ўзбекистон Республикаси Жиноят кодексининг 1552-, 2442-моддалари билан қўзғатилган жиноят иши доирасида – 1970 йилда туғилган Таджибоев Алишер Мухитдинович қидирилмоқда. Бу ҳақда ИИВ Терроризм ва экстремизмга қарши курашиш бош бошқармаси маълум қилди.
А.Таджибоев Сурия Араб Республикасида фаолият олиб бораётган «Катибатуль Тавхид валь Жиход» террорчилик гуруҳи таркибида маҳаллий ҳукумат қўшинларига қарши жангларда қатнашиб келмоқда.
Мазкур шахс ҳақида бирор бир маълумотга эга бўлган юртдошларимиз ҳудудий ички ишлар органлари ёки 102 рақами орқали хабар беришларини сўраймиз.
