Тошкентнинг «Пахтакор» клубини расман тарк этган швейцариялик ҳужумчи Эрен Дердийўқ фаолиятини яна Туркияда давом эттиришга яқин турибди.
Hürriyet Sport’нинг хабар беришича, Туркияда туғилган 33 ёшли футболчи «Анкарагюжу» клуби билан келишувга эришган. Ўтган мавсум Туркия Суперлигасини тарк этишга яқин қолган пойтахт клуби жорий мавсумда ўз сафини кучайтиришга эътибор қаратган ва швейцариялик футболчи билан шартнома имзолаш арафасида турибди.
Эрен Дердийўқ ва унинг агенти «Анкарагюжу»нинг сўнгги ўртоқлик ўйинларини стадиондан туриб кузатган.
Манбанинг ёзишича, Эрен Дердийўқнинг «Анқарагюжу»даги йиллик маоши 400 минг еврони ташкил этади. Таққослаш учун, Дердийўқ «Пахтакор» клуби сафида йилига 1,3 миллион евро маош олган.
