Аввалроқ, 22 июль куни Ўзбекистон электрон оммавий ахборот воситалари миллий ассоциациясида «Вакцина – саломатлик ва чекловларсиз ҳаёт» мавзусида очиқ мулоқот ўтказилгани ҳақида хабар берган эдик. Унда Зангиота 2-сон юқумли касалликлар шифохонаси директори Дониёр Миразимов оғир беморлар сони кўп эканини маълум қилди.
"Шифохонамизда 250 та реанимасия ўрни яратилган. Бу жуда катта кўрсаткич. Кунига 25 тагача ўта оғир ҳолатдаги бемор келтирилмоқда. Уларнинг 40 фоиздан ортиғи 65 ёшдан ошган фуқаролардир. Бу беморларнинг барчасига эмланиш тавсия қилинган, аммо ваксина олишни исташмаган", деди Дониёр Миразимов.
