Ўзбекистонда нима учун айнан ўзбек-хитой вакцинаси кўпроқ илгари сурилаяпти? Халқ Европа тан олган вакциналарни пуллик ўзи танлаш олиш имконини яратиш мумкинми?
Шушба саволга АОКАда ўтказилган матбуот анжуманида Санитария-эпидемиологик осойишталик ва жамоат саломатлиги хизмати бошлиғи ўринбосари Нурмат Отабеков жавоб берди.
"Хитойда айнан биз эмланаётган вакцина билан 100 миллиондан кўпроқ аҳоли эмланган. Ҳозирда дунёда вакцина ишлаб чиқармоқчи бўлган давлатлар 170 га яқин. Лекин бугунга қадар дунё миқёсида 14 та вакцинани фавқулодда ҳолатлар бўйича қўллашга рухсат берилган. Уладан фақат 6 тасига ЖССТ тавсия берган.
Ўзбекистон 12 та вакцина ишлаб чиқарувчи давлатга расман мурожаат қилган. Бутун дунёда вакцинага эҳтиёж жуда юқори бўлганлиги учун ишлаб чиқариш жараёнлари қуввати етмаяпти. Ўзбекистон ҳозирда қўлланилаётган вакциналардан ташқари бошқа вакциналарни ҳам мамлакатга олиб келиш бўйича ҳаракат қиляпти.
Вакцина ишлаб чиқараётган давлатларнинг имкониятлари ошиши билан бизда ҳам вакциналарнинг сони ва тури кўпайиши мумкин", - Отабековнинг сўзларини келтирмоқда "Даракчи" мухбири Каримжон Зарипов.
