Ўзбекистон Гидрометеорлогия хизмати хабарига кўра, бугун, 28 июль кундуз куни Ўзбекистонда кам булутли об-ҳаво сақланиб туради, ёғингарчилик кутилмайди, фақат Қорақалпоғистонда баъзи жойларда қисқа муддатли ёмғир ёғиши, момақалдироқ бўлиши мумкин. Ҳарорат нисбатан пасайди ва 33-38° ни ташкил этади. Республика бўйича баъзи жойларда шамол тезлиги 17-22 м/с гача кучайиши кутилмоқда, баъзи жойларда чангли бўрон билан 25-30 м/с гача кучайиши мумкин.
Пойтахтимизда ҳаво кам булутли бўлади. Шамол 7-12 м/с тезликда эсади. Ҳаво ҳарорати 36-38° ни ташкил этади.
Республиканинг тоғли ҳудудларида ёғингарчилик кутилмайди. Шамол 7-12 м/с тезликда эсади, баъзи жойларда 17-22 м/с гача кучаяди, баъзи жойларда чангли бўрон билан 25-30 м/с гача кучайиши мумкин. Ҳаво ҳарорати 25-30° бўлади.
