Кеча, 28 июль куни маҳаллий вақт билан соат 7:10 да Aктюбинск вилояти, Қарабутак маҳалласидан ўтадиган «Самара-Чимкент» халқаро автомобил йўлининг 992-километрида Қозоғистон фуқароси бошқурувидаги Toyota Previa автомашинаси иштирокида йўл-транспорт ҳодисаси содир бўлди, деб хабар бермоқда «Дунё» AA .
Мамлакатимизнинг Aктау шаҳридаги Бош консулхонасидан маълум қилишларича, йўл-танспорт ҳодисаси натижасида автомобиль ҳайдовчиси ва Aктау шаҳрига ишга кетаётган 8 нафар йўловчи (барчаси Ўзбекистон фуқаролари) турли даражадаги тан жароҳати билан шаҳар шифохонасига ётқазилган.
43 ёшли фуқаро Н.Д вафот этди. 5 нафар йўловчи даволанмоқда. Яна икки нафар йўловчига эса шифохонадан жавоб берилган.
Бош консулхона вазиятни ўз назоратига олган. Марҳумнинг жасадини Ватанга етказишни ташкил этиш ва жабрланганларга ёрдам кўрсатиш чоралари кўрилмоқда.
